പേരാമ്പ്ര: ടൗണിൽ കഞ്ചാവ് വില്പന നടത്തുന്നതിനിടെ പേരാമ്പ്ര എക്സൈസ് സംഘം മധ്യവയസ്കനെ പിടികൂടി. കുറ്റ്യാടി സ്വദേശി അബ്ദുൽ സലീമിനെയാണ് 100 ഗ്രാം കഞ്ചാവുമായി പിടികൂടിയത്.
ഇയാളെ പേരാമ്പ്ര മജിസ്‌ട്രേറ്റ് കോടതി റിമാൻഡ് ചെയ്തു. എക്സൈസ് സർക്കിൾ ഇൻസ്പെക്ടർ എൻ.പി. സുദീപ് കുമാർ നേതൃത്വം നൽകിയ റെയ്ഡിൽ പ്രിവന്റിവ് ഓഫിസർമാരായ സുരേഷ് ബാബു, പി.കെ. സബീറലി, പ്രിവന്റിവ് ഓഫിസർ ഗ്രേഡ് കെ.സി. അമ്മദ്, സിവിൽ എക്സൈസ് ഓഫിസർ അനൂപ് കുമാർ, ഡ്രൈവർ ഷിതിൻ എന്നിവർ പങ്കെടുത്തു.
