വടകര : റവന്യൂജില്ലാ സ്‌കൂൾ കലോത്സവത്തിന്റെ ലോഗോപ്രകാശനം കെ.കെ. രമ എം.എൽ.എ. നിർവഹിച്ചു. വടകര നഗരസഭാ ചെയർപേഴ്‌സൺ കെ.പി. ബിന്ദു അധ്യക്ഷതവഹിച്ചു. വിദ്യാഭ്യാസ ഉപഡയറക്ടർ മനോജ് മണിയൂർ, എ. പ്രേമകുമാരി, കെ.പി. അനിൽകുമാർ, അജിത ചീരാംവീട്ടിൽ, വി.വി. വിനോദ്, വടയക്കണ്ടി നാരായണൻ, ടി.കെ. പ്രവീൺകുമാർ, രാജീവൻ പറമ്പത്ത്, വി.വി. രഗീഷ് തുടങ്ങിയവർ സംസാരിച്ചു.
പാലോറ ഹയർസെക്കൻഡറി സ്കൂളിലെ ചിത്രകലാ അധ്യാപകനായ പി. സതീഷ് കുമാർ രൂപകല്പന ചെയ്ത ലോഗോ ആണ് തിരഞ്ഞെടുക്കപ്പെട്ടത്. 30 ലോഗോകളിൽനിന്ന് രാംദാസ് വടകര, രമേശ് രഞ്ജനം എന്നിവരടങ്ങിയ കമ്മിറ്റിയാണ് ലോഗോ തിരഞ്ഞെടുത്തത്. നവംബർ 26, 28, 29, 30, ഡിസംബർ ഒന്ന് തീയതികളിലാണ് കലോത്സവം.
