12 വ​ർ​ഷ​മാ​യി ഒ​ളി​വി​ലാ​യി​രു​ന്ന പ്ര​തി പി​ടി​യി​ൽ

മാ​വൂ​ർ: കോ​ട​തി​യി​ൽ ഹാ​ജ​രാ​കാ​തെ 12 വ​ർ​ഷ​മാ​യി ഒ​ളി​വി​ലാ​യി​രു​ന്ന പ്ര​തി പി​ടി​യി​ൽ. മാ​വൂ​ർ നാ​യ​ർ​കു​ഴി സ്വ​ദേ​ശി മാ​ളി​ക​ത്ത​ടം കോ​ള​നി​യി​ൽ പ്ര​ശാ​ന്തി​നെ​യാ​ണ് (39) മാ​വൂ​ർ പോ​ലീ​സ് അ​റ​സ്റ്റ് ചെ​യ്ത​ത്.

2013 ഒ​ക്ടോ​ബ​ർ മാ​സം മാ​ളി​ക​ത്ത​ടം കോ​ള​നി​യി​ലെ യു​വ​തി​യു​ടെ കൈ​പി​ടി​ച്ച് തി​രി​ച്ച​തി​ന് മാ​വൂ​ർ പോ​ലീ​സ് സ്റ്റേ​ഷ​നി​ൽ കേ​സ് ര​ജി​സ്റ്റ​ർ ചെ​യ്തി​രു​ന്നു. കേ​സ് ര​ജി​സ്റ്റ​ർ ചെ​യ്ത​ത​റി​ഞ്ഞ പ്ര​തി അ​റ​സ്റ്റ് ഭ​യ​ന്ന് വീ​ട്ടി​ൽ​നി​ന്ന് കു​ട​കി​ലേ​ക്ക് ഒ​ളി​വി​ൽ പോ​വു​ക​യാ​യി​രു​ന്നു. പി​ന്നീ​ട് നാ​ട്ടി​ലേ​ക്ക് വ​രാ​തെ കു​ട​കി​ൽ എ​സ്റ്റേ​റ്റ് മാ​നേ​ജ​റാ​യി ജോ​ലി ചെ​യ്തു​വ​രു​ക​യാ​യി​രു​ന്നു.

ര​ജി​സ്ട്രേ​ഷ​നു​മാ​യി ബ​ന്ധ​പ്പെ​ട്ട് ക​ഴി​ഞ്ഞ ദി​വ​സം പ്ര​തി നാ​ട്ടി​ൽ എ​ത്തി​യി​ട്ടു​ണ്ടെ​ന്ന സ്പെ​ഷ​ൽ ബ്രാ​ഞ്ച് മാ​വൂ​ർ ഫീ​ൽ​ഡ് സ്റ്റാ​ഫ് ജി.​എ​സ്.​ഐ സ​ജീ​ഷ് കു​മാ​ർ ന​ൽ​കി​യ വി​വ​ര​മ​നു​സ​രി​ച്ച് മാ​വൂ​ർ പൊ​ലീ​സ് സ്റ്റേ​ഷ​നി​ലെ എ​സ്.​സി.​പി.​ഒ​മാ​രാ​യ പ്ര​മോ​ദ്, ഷി​ബു, ര​ജീ​ഷ് എ​ന്നി​വ​ർ ചേ​ർ​ന്ന് പ്ര​തി​യെ ചാ​ത്ത​മം​ഗ​ലം ര​ജി​സ്റ്റ​ർ ഓ​ഫി​സ് പ​രി​സ​ര​ത്തു​നി​ന്നും ക​സ്റ്റ​ഡി​യി​ൽ എ​ടു​ക്കു​ക​യാ​യി​രു​ന്നു. അ​റ​സ്റ്റ് രേ​ഖ​പ്പെ​ടു​ത്തി​യ ശേ​ഷം പ്ര​തി​യെ കോ​ട​തി​യി​ൽ ഹാ​ജ​രാ​ക്കി.