മുക്കം: കോഴിക്കൂട്ടിൽനിന്ന് പെരുമ്പാമ്പിനെ പിടികൂടി. കാഞ്ഞിരമുഴിയിൽ വിശ്വനാഥന്റെ വീട്ടുമുറ്റത്തെ കോഴിക്കൂട്ടിൽനിന്നാണ് പാമ്പിനെ പിടികൂടിയത്. രണ്ടു കോഴികളെ വിഴുങ്ങിയ പാമ്പ് പുറത്തുകടക്കാൻ കഴിയാതെ കൂട്ടിൽ കുടുങ്ങിക്കിടക്കുകയായിരുന്നു.
രാവിലെ കോഴിയെ തുറന്നിടാൻ വിശ്വനാഥൻ എത്തിയപ്പോഴാണ് കൂട്ടിൽ പാമ്പിനെ കണ്ടത്. വീട്ടുകാർ വനം വകുപ്പിനെ വിവരമറിയിച്ചതിനെ തുടർന്ന് റാപിഡ് റെസ്പോൺസ് ടീം അംഗമായ കരീം മുക്കം എത്തി പാമ്പിനെ പിടികൂടി. ഏറെ പണിപ്പെട്ടാണ് പാമ്പിനെ പുറത്തെടുത്തത്.
