മുക്കം: പന്ത്രണ്ടുകാരിയെ പീഡിപ്പിച്ചതായ പരാതിയിൽ പൊറ്റശ്ശേരി ഇല്ലത്ത്കണ്ടി അസീബിനെതിരെ പോക്സോ പ്രകാരം മുക്കം പൊലീസ് കേസെടുത്തു. ഇയാൾ ഒളിവിലാണെന്ന് പൊലീസ് പറഞ്ഞു.
കഴിഞ്ഞ 28ന് മദ്റസ വിട്ട് പോവുകയായിരുന്ന കുട്ടിയെ ഐസ്ക്രീം തരാമെന്നു പറഞ്ഞ് വിളിച്ചുവരുത്തി സ്വകാര്യ ഭാഗങ്ങളിൽ സ്പർശിച്ചെന്നാണ് പരാതി. സ്കൂളിൽ നടന്ന കൗൺസലിങ്ങിലാണ് സംഭവം അറിഞ്ഞത്. സ്കൂൾ അധികൃതർ ചൈൽഡ് ലൈനിനെ വിവരം അറിയിക്കുകയും പരാതി മുക്കം പൊലീസിന് കൈമാറുകയുമായിരുന്നു.
