കൊയിലാണ്ടി : പോലീസ് സ്മൃതിദിനത്തോടനുബന്ധിച്ച് റൂറൽ ജില്ലാ പോലീസ് മിനി മാരത്തൺമത്സരം നടത്തി. കൊയിലാണ്ടി ബസ്‌സ്റ്റാൻഡ്‌ പരിസരത്തുനിന്ന്‌ ആരംഭിച്ച പരിപാടി ഒളിമ്പ്യൻ നോഹ നിർമൽടോം ഉദ്ഘാടനംചെയ്തു.
ഡി.എച്ച്.ക്യു. റിസർവ് ഇൻസ്പെക്ടർ ഇൻ ചാർജ് പി.പി. റോയ്, എസ്.ഐ.മാരായ വി.ആർ. അരവിന്ദ്, എസ്.ആർ. സൂരജ്, രവീന്ദ്രൻ, ബി.പി. അശോകൻ, സി. ഗഫൂർ (കെ.പി.ഒ.എ.), കൃഷ്ണൻ (എസ്.ഒ.ജി.) രജീഷ് ചേമേരി തുടങ്ങിയവർ പങ്കെടുത്തു.
മത്സരത്തിൽ എസ്.ഒ.ജി. സേനാംഗം വിനു ഒന്നാംസ്ഥാനവും പൊതുജനവിഭാഗത്തിൽനിന്ന് പങ്കെടുത്ത വിഷ്ണു തിരുവോട് രണ്ടാംസ്ഥാനവും ടെലികമ്യൂണിക്കേഷൻ സേനാഗം ഷഫീർ മൂന്നാംസ്ഥാനവും നേടി.
