കൊടുവള്ളി : റബർതോട്ടത്തിൽനിന്ന് ഒട്ടുപാൽ മോഷ്ടിച്ച കേസിൽ യുവാവിനെ കൊടുവള്ളി പോലീസ് അറസ്റ്റ് ചെയ്തു. കിഴക്കോത്ത് കത്തറമ്മൽ വലിയപറമ്പ് നെല്ലിക്കുന്നുമ്മൽ റോബിൻഷിത്ത്(22) ആണ് അറസ്റ്റിലായത്. വലിയപറമ്പ് കരൂഞ്ഞിയിലെ റബ്ബർതോട്ടത്തിൽ നിന്ന് 100 കിലോ ഒട്ടുപാലാണ് ഇയാൾ മോഷ്ടിച്ചത്.
മോഷ്ടിച്ച ഒട്ടുപാൽ കൂടത്തായിയിലെ കടയിൽ വിൽപ്പന നടത്തിയിരുന്നു. കടയിൽ നിന്നും ഒട്ടുപാൽ പോലീസ് കസ്റ്റഡിയിലെടുത്തു. കൊടുവള്ളി ഇൻസ്പെക്ടർ പി. ചന്ദ്രമോഹൻ, എസ്.ഐ. പി. പ്രകാശൻ, സീനിയർ സി.പി.ഒ.മാരായ ലിനീഷ്, അനൂപ് തറോൽ എന്നിവരടങ്ങിയ സംഘമാണ് പ്രതിയെ പിടികൂടിയത്. താമരശ്ശേരി കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു.
