സ്വർണവും പണവും തട്ടിയ പരാതി ബാങ്ക് വനിത കലക്ഷൻ ഏജന്റിനെതിരെ കേസെടുത്തു

ബാ​ലു​ശ്ശേ​രി: ബാ​ലു​ശ്ശേ​രി അ​ർ​ബ​ൻ ബാ​ങ്ക് വ​നി​ത ക​ല​ക്ഷ​ൻ ഏ​ജ​ന്റ് സ്വ​ർ​ണ​വും പ​ണ​വും ത​ട്ടി​യെ​ടു​ത്ത പ​രാ​തി​യി​ൽ പൊ​ലീ​സ് കേ​സെ​ടു​ത്തു. ക​ല​ക്ഷ​ൻ ഏ​ജ​ന്റ് തു​രു​ത്ത്യാ​ട് ന​മ്പി​ടി വീ​ട്ടി​ൽ മി​നി സ​ജീ​വ​ന്റെ പേ​രി​ൽ 406, 420 വ​കു​പ്പ് പ്ര​കാ​രം വ​ഞ്ച​നാക്കുറ്റ​ത്തി​നാ​ണ് കേ​സെ​ടു​ത്ത​ത്. ത​ട്ടി​പ്പ് ന​ട​ന്ന​തു​മാ​യി ബ​ന്ധ​പ്പെ​ട്ട് ജൂ​ൺ 24ന് ​ത​ട്ടി​പ്പി​നി​ര​യാ​യ അ​ഞ്ചു പേ​ർ ബാ​ലു​ശ്ശേ​രി പൊ​ലീ​സി​ൽ പ​രാ​തി ന​ൽ​കി​യി​രു​ന്നെ​ങ്കി​ലും അ​ന്വേ​ഷ​ണം ന​ട​ത്താ​തെ പൊ​ലീ​സ് ഒ​ഴി​ഞ്ഞു​മാ​റു​ക​യാ​യി​രു​ന്നു. ത​ട്ടി​പ്പ് വാ​ർ​ത്താ​മാ​ധ്യ​മ​ങ്ങ​ളി​ൽ വ​ന്ന​തോ​ടെ പൊ​ലീ​സ് ക​ല​ക്ഷ​ൻ ഏ​ജ​ന്റ് മി​നി​യെ​യും പ​രാ​തി​ക്കാ​രെ​യും സ്റ്റേ​ഷ​നി​ൽ വി​ളി​പ്പി​ച്ച് മ​ധ്യ​സ്ഥ ശ്ര​മം ന​ട​ത്തി​യെ​ങ്കി​ലും വി​ജ​യി​ച്ചി​ല്ല.

തി​ങ്ക​ളാ​ഴ്ച വീ​ണ്ടും വി​ളി​പ്പി​ച്ച​പ്പോ​ൾ മ​ധ്യ​സ്ഥ ശ്ര​മ​ത്തി​ന്റെ ഭാ​ഗ​മാ​യു​ള്ള ക​രാ​ർ ഒ​പ്പി​ട്ട് ന​ൽ​കാ​ൻ മി​നി സ​ജീ​വ​ൻ വി​സ​മ്മ​തി​ക്കു​ക​യും സ്വ​ർ​ണ​വും പ​ണ​വും വാ​ങ്ങി​യ​തി​ന് തെ​ളി​വി​ല്ലെ​ന്നു പ​റ​ഞ്ഞ് പ​രാ​തി​ക്കാ​രോ​ട് കോ​ട​തി​യി​ൽ പോ​കാ​ൻ ആ​ജ്ഞാ​പി​ക്കു​ക​യു​മാ​യി​രു​ന്നു. തെ​ളി​വി​ല്ലെ​ന്ന കാ​ര​ണം പ​റ​ഞ്ഞ് പൊ​ലീ​സും പ​രാ​തി​ക്കാ​രെ കൈ​യൊ​ഴി​ഞ്ഞി​രു​ന്നു. ഇ​തി​നി​ടെ തി​ങ്ക​ളാ​ഴ്ച ബി.​ജെ.​പി​യു​ടെ നേ​തൃ​ത്വ​ത്തി​ൽ അ​ർ​ബ​ൻ ബാ​ങ്കി​ലേ​ക്ക് പ്ര​തി​ഷേ​ധ മാ​ർ​ച്ചും ന​ട​ന്നു. പ​ണ​വും സ്വ​ർ​ണ​വും ന​ഷ്‌​ട​പ്പെ​ട്ട​വ​ർ യോ​ഗം വി​ളി​ച്ച് ഉ​ന്ന​ത പൊ​ലീ​സ് അ​ധി​കാ​രി​ക​ൾ​ക്ക് പ​രാ​തി ന​ൽ​കാ​നും സ​മ​രം സം​ഘ​ടി​പ്പി​ക്കാ​നും തീ​രു​മാ​നി​ച്ചി​രു​ന്നു.

ന​ട​പ​ടി എ​ടു​ക്കാ​ത്ത​തി​നെ​തി​രെ കോ​ൺ​ഗ്ര​സും രം​ഗ​ത്തു​വ​ന്ന​തോ​ടെ പൊ​ലീ​സ് ചൊ​വ്വാ​ഴ്ച വൈ​കീ​ട്ടോ​ടെ കേ​സെ​ടു​ക്കു​ക​യാ​യി​രു​ന്നു. അ​ഞ്ച് പ​രാ​തി​ക്കാ​രി​ൽ തു​രു​ത്ത്യാ​ട് പി​ലാ​ത്തോ​ട്ട​ത്തി​ൽ പ്രി​യ​യു​ടെ പ​രാ​തി​യി​ലാ​ണ് ഇ​പ്പോ​ൾ കേ​സെ​ടു​ത്തി​ട്ടു​ള്ള​ത്. പ്രി​യ​ക്ക് 52 പ​വ​ൻ സ്വ​ർ​ണ​വും 15 ല​ക്ഷം രൂ​പ​യു​മാ​ണ് ന​ഷ്ട​മാ​യി​ട്ടു​ള്ള​ത്. പ്രി​യ​യു​ടെ മൊ​ഴി​യെ​ടു​ത്തി​ട്ടു​ണ്ട്. പ​രാ​തി​ക്കാ​രാ​യ മ​റ്റു നാ​ലു​പേ​രു​ടെ മൊ​ഴി​യും രേ​ഖ​പ്പെ​ടു​ത്തും. പൊ​ലീ​സി​ൽ പ​രാ​തി​യു​മാ​യി ഇ​നി​യും കൂ​ടു​ത​ൽ പേ​ർ രം​ഗ​ത്തു​വ​രാ​നും സാ​ധ്യ​ത​യു​ണ്ട്.