താമരശ്ശേരി: പത്തു വയസ്സുള്ള രണ്ടു പെൺകുട്ടികൾക്കുനേരെ ലൈംഗികാതിക്രമം നടത്തിയ 51കാരനെ താമരശ്ശേരി പൊലീസ് അറസ്റ്റ് ചെയ്തു. ഈങ്ങാപ്പുഴ എലോക്കര നാലകത്ത് അഷ്റഫിനെയാണ് (51) പോക്സോ ചുമത്തി അറസ്റ്റ് ചെയ്തത്.
വെള്ളിയാഴ്ചയായിരുന്നു പീഡനം സംബന്ധിച്ച പരാതി പൊലീസിന് ലഭിച്ചത്. കുട്ടികൾ പീഡന വിവരം കൂട്ടുകാരിയോട് പറഞ്ഞതിനെ തുടർന്ന് രക്ഷിതാക്കളെ അറിയിക്കുകയായിരുന്നു. താമരശ്ശേരി കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു.
