നി​ക്ഷേ​പം തി​രി​കെ വേണം ; ഇന്ത്യൻ കോഓപറേറ്റിവ് ക്രെഡിറ്റ് സൊസൈറ്റിയിൽ നിക്ഷേപകരു​ടെ പ്രതിഷേധം

വ​ട​ക​ര: നി​ക്ഷേ​പം തി​രി​കെ ല​ഭി​ക്ക​ണ​മെ​ന്നാ​വ​ശ്യ​പ്പെ​ട്ട് indian-cooperative-credit-society ഇ​ന്ത്യ​ൻ കോ​ഓ​പ​റേ​റ്റി​വ് ക്രെ​ഡി​റ്റ് സൊ​സൈ​റ്റി വ​ട​ക​ര ശാ​ഖ​യി​ൽ നി​ക്ഷേ​പ​ക​ർ കൂ​ട്ട​മാ​യെ​ത്തി​യ​ത് സം​ഘ​ർ​ഷാ​വ​സ്ഥ​ക്കി​ട​യാ​ക്കി.

നി​ക്ഷേ​പി​ച്ച തു​ക ന​ൽ​കു​മെ​ന്ന് അ​റി​യി​ച്ച സ​മ​യ​പ​രി​ധി അ​വ​സാ​നി​ച്ചി​ട്ടും പ​ണം തി​രി​കെ ന​ൽ​കാ​ൻ ത​യാ​റാ​കാ​ത്ത​താ​ണ് നി​ക്ഷേ​പ​ക​രെ പ്ര​കോ​പി​പ്പി​ച്ച​ത്. വ​ട​ക​ര ബൈ​പാ​സി​ൽ എ​സ്.​ജി.​എം.​എ​സ്.​ബി സ്കൂ​ളി​ന് മു​ൻ​വ​ശം പ്ര​വ​ർ​ത്തി​ക്കു​ന്ന സൊ​സൈ​റ്റി​യി​ൽ രാ​വി​ലെ പ​ത്തു മ​ണി​യോ​ടെ​യാ​ണ് അ​ഞ്ഞൂ​റി​ൽ​പ​രം നി​ക്ഷേ​പ​ക​ർ പ​ണ​മാ​വ​ശ്യ​പ്പെ​ട്ട് എ​ത്തി​യ​ത്.

മാ​നേ​ജ​രു​ടെ കാ​ബി​ൻ ഉ​പ​രോ​ധി​ച്ച് ബ​ഹ​ളം ആ​രം​ഭി​ച്ച​തോ​ടെ വ​ട​ക​ര പൊ​ലീ​സും സ്ഥ​ല​ത്തെ​ത്തി. നി​ക്ഷേ​പ​ക​രു​മാ​യി പൊ​ലീ​സ് ച​ർ​ച്ച ന​ട​ത്തി​യെ​ങ്കി​ലും ഫ​ലം ക​ണ്ടി​ല്ല. മ​ണി​ക്കൂ​റു​ക​ളോ​ളം ബ​ഹ​ളം തു​ട​ർ​ന്നു. ഇ​തി​നി​ട​യി​ൽ നി​ക്ഷേ​പ​ക​രി​ൽ ഒ​രു സ്ത്രീ ​ഓ​ഫി​സി​നു​ള്ളി​ൽ കു​ഴ​ഞ്ഞു​വീ​ണു. ഇ​വ​രെ പൊ​ലീ​സ് വ​ട​ക​ര ജി​ല്ല ആ​ശു​പ​ത്രി​യി​ൽ പ്ര​വേ​ശി​പ്പി​ച്ചു.

വ​ട​ക​ര സി.​ഐ ടി.​പി. സു​മേ​ഷി​ന്റെ ഇ​ട​പെ​ട​ലി​നെ​തു​ട​ർ​ന്ന് സ്ഥാ​പ​ന​ത്തി​ന്റെ പ്ര​തി​നി​ധി​ക​ൾ, ഏ​ജ​ന്റു​മാ​ർ, ഇ​ട​പാ​ടു​കാ​ർ എ​ന്നി​വ​ര​ട​ങ്ങി​യ പ​ത്തു​പേ​രു​മാ​യി ച​ർ​ച്ച ന​ട​ത്തി പ്ര​ശ്ന​ത്തി​ന് താ​ൽ​ക്കാ​ലി​ക പ​രി​ഹാ​രം ഉ​ണ്ടാ​ക്കി. അ​പേ​ക്ഷ ന​ൽ​കി​യ ഇ​ട​പാ​ടു​കാ​ർ​ക്ക് മു​ഴു​വ​നാ​യി ക്ര​മ​ത്തി​ൽ ജൂ​ൺ ഒ​ന്നു​മു​ത​ൽ സെ​പ്റ്റം​ബ​ർ 30 വ​രെ​യു​ള്ള സ​മ​യ​പ​രി​ധി​ക്കു​ള്ളി​ൽ പ​ണം ന​ൽ​കു​മെ​ന്ന ഉ​റ​പ്പി​ന്മേ​ലാ​ണ് നി​ക്ഷേ​പ​ക​ർ പി​രി​ഞ്ഞു​പോ​യ​ത്.

കേ​ന്ദ്ര സ​ർ​ക്കാ​റി​ന്റെ നേ​തൃ​ത്വ​ത്തി​ലു​ള്ള മ​ൾ​ട്ടി സ്റ്റേ​റ്റ് ക​മ്പ​നി നി​യ​മ​പ്ര​കാ​രം രൂ​പ​വ​ത്ക​രി​ച്ച ധ​ന​കാ​ര്യ സ്ഥാ​പ​ന​മാ​ണി​ത്. മാ​സ​ങ്ങ​ൾ​ക്കു​മു​മ്പ് ആ​ദാ​യ​നി​കു​തി വ​കു​പ്പ് ഇ​വി​ടെ പ​രി​ശോ​ധ​ന ന​ട​ത്തി​യി​രു​ന്നു. ഇ​തോ​ടെ പ​ല ഘ​ട്ട​ങ്ങ​ളി​ലാ​യി നി​ക്ഷേ​പ​ക​ർ പ​ണം പി​ൻ​വ​ലി​ക്കാ​ൻ എ​ത്തു​ക​യാ​യി​രു​ന്നു.

പ​ല​ർ​ക്കും ചെ​റി​യ തു​ക​ക​ൾ തി​രി​കെ ന​ൽ​കി​യി​രു​ന്നു. പി​ന്നീ​ട് നി​ക്ഷേ​പം പി​ൻ​വ​ലി​ക്കാ​ൻ അ​പേ​ക്ഷ ന​ൽ​കി​യ​വ​ർ​ക്ക് പ​ണം ന​ൽ​കാ​താ​യ​തോ​ടെ​യാ​ണ് നി​ക്ഷേ​പ​ക​ർ കൂ​ട്ട​മാ​യെ​ത്തി​യ​ത്.