ബേപ്പൂർ: അനധികൃത വിദേശ മദ്യവിൽപന നടത്തിയ യുവാവിനെ പൊലീസ് അറസ്റ്റ് ചെയ്തു. ഗോതീശ്വരം വാരിങ്ങൽപറമ്പ് പിണ്ണാണത്ത് വീട്ടിൽ സുരേഷാണ് (46) ബേപ്പൂർ പൊലീസിന്റെ പിടിയിലായത്. ബേപ്പൂർ ഫിഷിങ് ഹാർബർ, ജങ്കാർ, പുലിമുട്ട്, ഗോതീശ്വരം ഭാഗങ്ങളിൽ വിദേശമദ്യം വിൽക്കുന്നതായി പൊലീസ് ഇൻസ്‌പെക്ടർ വി. സിജിത്തിന് രഹസ്യവിവരം കിട്ടിയതിനെത്തുടർന്ന് ഇയാൾ നിരീക്ഷണത്തിലായിരുന്നു.
ചൊവ്വാഴ്ച ജങ്കാർ പരിസരത്ത് വിൽപനക്ക് ശ്രമിക്കവേ 18 കുപ്പി വിദേശമദ്യം സഹിതം ബേപ്പൂർ എസ്.ഐ ഷുഹൈബ് പ്രതിയെ അറസ്റ്റ് ചെയ്തു. എ.എസ്.ഐ ദീപ്തി ലാൽ, ലാലു, സി.പി.ഒ അനൂപ്, നിധിൻരാജ് എന്നിവർ സംഘത്തിലുണ്ടായിരുന്നു. കോടതിയിൽ ഹാജരാക്കിയ പ്രതിയെ 14 ദിവസത്തേക്ക് റിമാൻഡ് ചെയ്തു.
