കൊയിലാണ്ടി: 12കാരനെ ലൈംഗികമായി പീഡിപ്പിച്ച കേസിൽ പള്ളിമുക്രിക്ക് 15 വർഷം കഠിനതടവും രണ്ടര ലക്ഷം രൂപ പിഴയും ശിക്ഷ. ഉണ്ണികുളം എം.എം പറമ്പ് വി.പി. ഉസ്‌താദ്‌ എന്ന അബൂബക്കറിനെയാണ് (53) കൊയിലാണ്ടി ഫാസ്റ്റ് ട്രാക്ക് സ്‌പെഷൽ കോടതി ജഡ്ജി ടി.പി. അനിൽ ശിക്ഷിച്ചത്. 2019ൽ ആണ് കേസിനാസ്പദമായ സംഭവം.
പള്ളിയിൽ മതപഠന ക്ലാസിൽ രാത്രി താമസിച്ചുപഠിച്ചിരുന്ന കുട്ടിയെ ലൈംഗികമായി പീഡിപ്പിച്ചെന്നാണ് കേസ്. സ്ഥാപനത്തിൽ വന്ന ചൈൽഡ് ലൈൻ പ്രവർത്തകരോട് കുട്ടി പീഡനവിവരം വെളിപ്പെടുത്തുകയായിരുന്നു.
