താമരശ്ശേരി: റന ഗോൾഡ് കവർച്ചക്കേസിലെ പ്രതി പോക്സോ കേസിൽ അറസ്റ്റിൽ. പൂനൂർ പാലന്തലക്കൽ നിസാറിനെയാണ് (25) താമരശ്ശേരി പൊലീസ് അറസ്റ്റ് ചെയ്തത്.
2022ൽ പരിചയപ്പെട്ട പ്രായപൂർത്തിയാകാത്ത പെൺകുട്ടിയെ അപമാനിക്കുകയും നിരന്തരം ഫോൺ മുഖാന്തരം പിന്തുടരുകയും തടഞ്ഞുവെച്ച് ആക്രമിക്കുകയും ചെയ്തുവെന്ന പരാതിയെതുടർന്ന് നടത്തിയ അന്വേഷണത്തിലാണ് പ്രതി അറസ്റ്റിലായത്.
കവർച്ച കേസിലെ ഒന്നാം പ്രതിയും നിസാറിന്റെ സഹോദരനുമായ നഫാസിനെ കുന്നമംഗലം സ്വദേശിനിയുടെ പാരാതി പ്രകാരം പോക്സോ കേസിൽ നേരത്തേ അറസ്റ്റ് ചെയ്തിരുന്നു. ഇവരുടെ മൂത്ത സഹോദരൻ റാഷിദും താമരശ്ശേരി സ്റ്റേഷനിൽ പോക്സോ കേസിൽ ജയിലിൽ കഴിഞ്ഞിട്ടുണ്ട്. ഇവരുടെ പിതാവും കുന്നമംഗലം സ്റ്റേഷനിൽ മോഷണക്കേസിൽ പ്രതിയായി ജയിൽ ശിക്ഷ അനുഭവിച്ചതായി പൊലീസ് പറഞ്ഞു. താമരശ്ശേരി ഡിവൈഎസ്പി എം.പി.വിനോദിന്റെ നേതൃത്വത്തിലുള്ള പ്രത്യേക സംഘമാണ് അന്വേഷണം നടത്തിയത്.
