കെ.​എ​സ്.​ഇ.​ബി അ​ധി​കൃ​ത​ർ തു​ട​ർ​ന്ന നി​സ്സം​ഗ​ത​യി​ൽ ഒരു ജീവൻകൂടി പൊലിഞ്ഞു

കു​റ്റി​ക്കാ​ട്ടൂ​ർ: ഷെ​ഡി​ന്റെ തൂ​ണി​ൽ ഷോ​ക്കു​ണ്ടെ​ന്നും അ​ടി​യ​ന്ത​ര ന​ട​പ​ടി​യെ​ടു​ക്ക​ണ​മെ​ന്നും ആ​വ​ശ്യ​പ്പെ​ട്ട് നാ​ട്ടു​കാ​രും കെ​ട്ടി​ട ഉ​ട​മ​യും രേ​ഖാ​മൂ​ലം നി​ര​ന്ത​രം സ​മീ​പി​ച്ചി​ട്ടും അ​ധി​കൃ​ത​ർ തു​ട​ർ​ന്ന നി​സ്സം​ഗ​ത​യി​ൽ പൊ​ലി​ഞ്ഞ​ത് കൗ​മാ​രം വി​ട്ടു​മാ​റാ​ത്ത വി​ല​പ്പെ​ട്ട ജീ​വ​ൻ. ഞാ​യ​റാ​ഴ്ച രാ​ത്രി​യി​ലും സ​മീ​പ​വാ​സി​ക​ൾ കെ.​എ​സ്.​ഇ.​ബി കോ​വൂ​ർ സെ​ക്ഷ​നി​ൽ വി​ളി​ച്ച് കെ​ട്ടി​ട​ത്തി​ന്റെ സ​ർ​വി​സ് ലൈ​നെ​ങ്കി​ലും വി​ച്ഛേ​ദി​ക്ക​ണ​മെ​ന്ന് ആ​വ​ശ്യ​പ്പെ​ട്ടി​രു​ന്നു.

വെ​ള്ളി​യാ​ഴ്ച​യാ​ണ് പീ​ടി​ക മു​റി​യു​ടെ മു​ൻ​വ​ശ​ത്തെ ഷെ​ഡി​ൽ ഷോ​ക്ക് അ​നു​ഭ​വ​പ്പെ​ട്ടു തു​ട​ങ്ങി​യ​ത്. നി​ര​ന്ത​രം സെ​ക്ഷ​ൻ ഓ​ഫി​സി​ൽ വി​ളി​ച്ചു പ​റ​ഞ്ഞ​പ്പോ​ൾ പ​രാ​തി ര​ജി​സ്റ്റ​ർ ചെ​യ്യാ​ൻ ആ​വ​ശ്യ​പ്പെ​ട്ടു. പ​രാ​തി ന​ൽ​കി​യി​ട്ടും ന​ട​പ​ടി​യി​ല്ലാ​ത്ത​തി​നാ​ൽ നി​ര​ന്ത​രം വി​ളി​ച്ച​തോ​ടെ​യാ​ണ് ഞാ​യ​റാ​ഴ്ച കെ.​എ​സ്.​ഇ.​ബി ജീ​വ​ന​ക്കാ​രെ​ത്തി​യ​ത്. വി​ഷ​യ​ത്തി​ന്റെ ഗൗ​ര​വം ബോ​ധ്യ​പ്പെ​ട്ടി​ട്ടും ന​ട​പ​ടി​യെ​ടു​ത്തി​ല്ല. ഞാ​യ​റാ​ഴ്ച രാ​ത്രി ഷെ​ഡി​ൽ ക​യ​റി നി​ന്ന​വ​ർ​ക്ക് ഷോ​ക്ക് അ​നു​ഭ​വ​പ്പെ​ട്ട​പ്പോ​ൾ വീ​ണ്ടും സെ​ക്ഷ​നി​ൽ വി​ളി​ച്ചു പ​റ​ഞ്ഞു. തു​ട​ർ​ന്ന് 18കാ​ര​ൻ ഷോ​ക്കേ​റ്റ് മ​രി​ച്ച​തി​നു​ശേ​ഷം തി​ങ്ക​ളാ​ഴ്ച രാ​വി​ലെ​യാ​ണ് കെ.​എ​സ്.​ഇ.​ബി അ​ധി​കൃ​ത​രെ​ത്തി സ​ർ​വി​സ് ലൈ​ൻ വി​ച്ഛേ​ദി​ച്ച​ത്.

പ്ല​സ് ടു ​ക​ഴി​ഞ്ഞ​ശേ​ഷം ഒ​ഴി​വു വേ​ള​യി​ൽ കി​ണാ​ശ്ശേ​രി​യി​ൽ ബ​ന്ധു​വി​ന്റെ ഹോ​ട്ട​ലി​ൽ സ​ഹാ​യ​ത്തി​ന് നി​ൽ​ക്കു​ക​യാ​യി​രു​ന്നു മു​ഹ​മ്മ​ദ് റി​ജാ​സ്. ഇ​വി​ടെ​നി​ന്നും രാ​ത്രി ഒ​ന്നോ​ടെ വീ​ട്ടി​ലേ​ക്ക് മ​ട​ങ്ങു​മ്പോ​ഴാ​ണ് അ​പ​ക​ട​മു​ണ്ടാ​യ​ത്. സ്കൂ​ട്ട​ർ കേ​ടാ​യ​തി​നെ​തു​ട​ർ​ന്ന് വീ​ട്ടി​ലേ​ക്ക് തി​രി​ച്ചു പോ​കാ​ൻ സ​ഹോ​ദ​ര​ൻ റാ​ഫി​യെ വി​ളി​ച്ചു വ​രു​ത്തി. കാ​റു​മാ​യി സ​ഹോ​ദ​ര​ൻ എ​ത്തു​മ്പോ​ൾ സ​മീ​പ​ത്തെ ബ​സ് സ്റ്റോ​പ്പി​ൽ ഇ​രി​ക്കു​ക​യാ​യി​രു​ന്നു റി​ജാ​സ്.

ശ​ക്ത​മാ​യ മ​ഴ​യു​ള്ള​തി​നാ​ൽ സ്കൂ​ട്ട​ർ സ​മീ​പ​ത്തെ പീ​ടി​ക മു​റി​ക​ളു​ടെ മു​ന്നി​ലേ​ക്ക് മാ​റ്റി​യി​ടാ​ൻ തീ​രു​മാ​നി​ക്കു​ക​യാ​യി​രു​ന്നു. ഷെ​ഡി​ലേ​ക്ക് ക​യ​റി​യ​പ്പോ​ൾ ത​ന്നെ ഷോ​ക്ക് അ​നു​ഭ​വ​പ്പെ​ടു​ന്ന​താ​യി റി​ജാ​സ് സ​ഹോ​ദ​ര​നോ​ട് പ​റ​ഞ്ഞി​രു​ന്നു. ഉ​യ​ർ​ന്ന പ്ര​ത​ല​ത്തി​ലു​ള്ള മു​റ്റ​ത്തേ​ക്ക് ശ​ക്തി​യാ​യി ത​ള്ളി​ക്ക​യ​റ്റു​ന്ന​തി​നി​ടെ വ​ണ്ടി ച​രി​ഞ്ഞ​പ്പോ​ഴാ​ണ് ഇ​രു​മ്പ് തൂ​ണി​ൽ കൈ​വെ​ച്ച​ത്. ര​ക്ഷി​ക്കാ​ൻ ശ്ര​മി​ക്കു​ന്ന​തി​നി​ടെ സ​ഹോ​ദ​ര​ൻ റാ​ഫി​ക്കും ഷോ​ക്കേ​റ്റു.

ഗു​രു​ത​രാ​വ​സ്ഥ​യി​ലാ​ണെ​ന്ന് മ​ന​സ്സി​ലാ​യ​തോ​ടെ റാ​ഫി സ​ഹോ​ദ​ര​ന് പ്ര​ഥ​മ ശു​ശ്രൂ​ഷ ന​ൽ​കു​ക​യും സ​ഹാ​യ​ത്തി​ന് അ​ല​റി വി​ളി​ക്കു​ക​യും ചെ​യ്തു. റോ​ഡി​ലൂ​ടെ ക​ട​ന്നു​പോ​യ ആ​ദ്യ​ത്തെ വ​ണ്ടി​ക്കാ​ര​ൻ നി​ർ​ത്തി​യി​ല്ല. തു​ട​ർ​ന്ന്, ര​ണ്ടാ​മ​ത് വ​ന്ന വ​ണ്ടി​യു​ടെ മു​ന്നി​ലേ​ക്ക് ചാ​ടി നി​ർ​ത്തി​ക്കു​ക​യാ​യി​രു​ന്നു. ഇ​തി​നി​ടെ ചി​ല നാ​ട്ടു​കാ​രും സ്ഥ​ല​ത്തെ​ത്തി. തു​ട​ർ​ന്ന് മെ​ഡി​ക്ക​ൽ കോ​ള​ജി​ൽ എ​ത്തി​ച്ചെ​ങ്കി​ലും ര​ക്ഷി​ക്കാ​നാ​യി​ല്ല. പോ​സ്റ്റ്മോ​ർ​ട്ട​ത്തി​നു​ശേ​ഷം തി​ങ്ക​ളാ​ഴ്ച വൈ​കീ​ട്ടോ​ടെ പൂ​വാ​ട്ടു​പ​റ​മ്പ് ആ​ലും​പി​ലാ​ക്ക​ൽ ഖ​ബ​ർ​സ്ഥാ​നി​ൽ വ​ൻ ജ​നാ​വ​ലി​യു​ടെ സാ​ന്നി​ധ്യ​ത്തി​ൽ ഖ​ബ​റ​ട​ക്കി.

റി​ജാ​സി​ന്റെ മ​ര​ണം സ്വാ​ഭാ​വി​ക അ​പ​ക​ട​മ​ല്ലെ​ന്നും കെ.​എ​സ്.​ഇ.​ബി അ​ധി​കൃ​ത​ർ ന​ട​ത്തി​യ കൊ​ല​പാ​ത​ക​മാ​ണെ​ന്നും ആ​രോ​പി​ച്ച് യൂ​ത്ത് ലീ​ഗ് പ്ര​തി​ഷേ​ധം. മ​ര​ണ​ത്തി​ൽ ഉ​ത്ത​ര​വാ​ദി​ക​ളാ​യ ഉ​ദ്യോ​ഗ​സ്ഥ​ർ​ക്കെ​തി​രെ ന​ട​പ​ടി ആ​വ​ശ്യ​പ്പെ​ട്ട് മു​സ് ലിം ​യൂ​ത്ത് ലീ​ഗ് കോ​വൂ​ർ കെ.​എ​സ്.​ഇ.​ബി സെ​ക്ഷ​ൻ ഓ​ഫി​സി​ലേ​ക്ക് മാ​ർ​ച്ച് ന​ട​ത്തി.