മ​ദ്യ​പാ​ന​ത്തി​നി​ടെ​യു​ണ്ടാ​യ ത​ർ​ക്ക​ത്തി​ൽ യു​വാ​വ് മ​രി​ച്ച സം​ഭ​വ​ത്തി​ലെ പ്ര​തി കൊ​ല്ല​പ്പെ​ട്ട​യാ​ളു​ടെ ആ​ത്മ​സു​ഹൃ​ത്ത്

അ​ത്തോ​ളി: മ​ദ്യ​പാ​ന​ത്തി​നി​ടെ​യു​ണ്ടാ​യ ത​ർ​ക്ക​ത്തി​ൽ യു​വാ​വ് മ​രി​ച്ച സം​ഭ​വ​ത്തി​ലെ പ്ര​തി കൊ​ല്ല​പ്പെ​ട്ട​യാ​ളു​ടെ ആ​ത്മ​സു​ഹൃ​ത്ത്. വേ​ളൂ​ർ തോ​ട്ട​ത്തി​ൽ മീ​ത്ത​ൽ അ​നൂ​പ് (34) ആ​ണ് സു​ഹൃ​ത്തി​ന്റെ മ​ർ​ദ​ന​ത്തി​ൽ പ​രി​ക്കേ​റ്റ് ചി​കി​ത്സ​യി​ലി​രി​ക്കെ വ്യാ​ഴാ​ഴ്ച മ​ര​ണ​പ്പെ​ട്ട​ത്. പ്ര​തി​യാ​യ അ​ന്ന​ശ്ശേ​രി ചെ​മ്പി​ലാം പൂ​ക്കോ​ട് സു​ബീ​ഷും മ​ര​ണ​പ്പെ​ട്ട അ​നൂ​പും ബാ​ല്യ​കാ​ലം മു​ത​ലേ സു​ഹൃ​ത്തു​ക്ക​ളാ​യി​രു​ന്നു.

സു​ബീ​ഷി​ന്റെ വീ​ടി​ന​ടു​ത്താ​യി​രു​ന്നു അ​നൂ​പും താ​മ​സം. പി​ന്നീ​ടാ​ണ് അ​നൂ​പ് അ​ത്തോ​ളി വേ​ളൂ​രി​ലേ​ക്ക് താ​മ​സം മാ​റി​യ​ത്. അ​ന്ന​ശ്ശേ​രി ഭാ​ഗ​ങ്ങ​ളി​ലെ ക​ല്യാ​ണ​ങ്ങ​ളി​ലും ആ​ഘോ​ഷ​ങ്ങ​ളി​ലും അ​നൂ​പ് സ​ജീ​വ സാ​ന്നി​ധ്യ​മാ​യി​രു​ന്നു. സു​ബീ​ഷി​ന്റെ വീ​ട്ടി​ൽ ഇ​വ​ർ ഒ​ത്തു​കൂ​ടാ​റു​മു​ണ്ടാ​യി​രു​ന്നു. അ​ത്ര​യേ​റെ അ​ടു​പ്പ​മു​ള്ള​വ​രാ​യി​രു​ന്നു ര​ണ്ടു​പേ​രു​മെ​ന്ന് സു​ഹൃ​ത്തു​ക്ക​ളും നാ​ട്ടു​കാ​രും പ​റ​യുന്നു.

അ​നൂ​പി​ന്റെ മ​ര​ണം ഏ​റെ ഞെ​ട്ട​ലോ​ടെ​യാ​ണ് ഇ​രു​പ്ര​ദേ​ശ​ത്തെ​യും നാ​ട്ടു​കാ​ർ കേ​ട്ട​ത്. എന്താണ് സുഹൃത്തുകൾക്കിടയിലുണ്ടായത് എന്നറിയാതെ പരസ്പരം ചോദിക്കുകയാണ് നാട്ടുകാർ. കെ​ട്ടി​ട നി​ർ​മാ​ണ തൊ​ഴി​ലാ​ളി​യും അ​വി​വാ​ഹി​ത​നു​മാ​യ അ​നൂ​പ് സൗ​മ്യ​സ്വ​ഭാ​വ​ക്കാ​ര​നാ​യി​രു​ന്നു​വെ​ന്ന് പ്ര​ദേ​ശ​വാ​സി​ക​ൾ പ​റ​ഞ്ഞു.

ക​ഴി​ഞ്ഞ ഞാ​യ​റാ​ഴ്ച​യാ​ണ് അ​ന്ന​ശ്ശേ​രി​യി​ലെ സു​ബീ​ഷി​ന്റെ വീ​ട്ടി​ൽ​വെ​ച്ച് അ​നൂ​പി​ന് നേ​രെ ആ​ക്ര​മ​ണം ഉ​ണ്ടാ​യ​ത്. ഉ​റ​ങ്ങി​ക്കി​ട​ക്കു​ക​യാ​യി​രു​ന്ന അ​നൂ​പി​ന്റെ ത​ല​ക്ക് ഇ​രു​മ്പ് പ​ട്ടി​ക ഉ​പ​യോ​ഗി​ച്ച് അ​ടി​ക്കു​ക​യാ​യി​രു​ന്നു​വെ​ന്നാ​ണ് പൊ​ലീ​സ് ന​ൽ​കു​ന്ന വി​വ​രം. ത​ല​ക്ക് ആ​ഴ​ത്തി​ൽ മു​റി​വേ​റ്റ് ത​ല​യോ​ട്ടി പൊ​ട്ടി​യ അ​നൂ​പി​നെ പ്ര​തി ഇ​ട​വ​ഴി​യി​ൽ ഉ​പേ​ക്ഷി​ക്കു​ക​യാ​യി​രു​ന്നു.

അ​ബോ​ധാ​വ​സ്ഥ​യി​ൽ കി​ട​ന്ന അ​നൂ​പി​നെ പു​ല​ർ​ച്ച​യോ​ടെ​യാ​ണ് സ​മീ​പ​വാ​സി​ക​ൾ കാ​ണു​ക​യും കോ​ഴി​ക്കോ​ട് മെ​ഡി​ക്ക​ൽ കോ​ള​ജ് ആ​ശു​പ​ത്രി​യി​ൽ എ​ത്തി​ക്കു​ക​യും ചെ​യ്ത​ത്. പ്ര​തി സു​ബീ​ഷി​നെ എ​ല​ത്തൂ​ർ പൊ​ലീ​സ് പി​റ്റേ​ദി​വ​സം ത​ന്നെ അ​റ​സ്റ്റ് ചെ​യ്ത് കോ​ട​തി​യി​ൽ ഹാ​ജ​രാ​ക്കി റി​മാ​ൻ​ഡ് ചെ​യ്തി​രു​ന്നു.

മെ​ഡി​ക്ക​ൽ കോ​ള​ജി​ലെ പോ​സ്റ്റ്മോ​ർ​ട്ട​ത്തി​നു​ശേ​ഷം അ​ത്തോ​ളി വേ​ളൂ​രി​ലെ വീ​ട്ടി​ലെ​ത്തി​ച്ച മൃ​ത​ദേ​ഹ​ത്തി​ൽ അ​ന്തി​മോ​പ​ചാ​ര​മ​ർ​പ്പി​ക്കാ​ൻ നി​ര​വ​ധി പേ​ർ എ​ത്തി​യി​രു​ന്നു. വ്യാ​ഴാ​ഴ്ച വൈ​കീ​ട്ട് മൂ​ന്നു​മ​ണി​യോ​ടെ മൃ​ത​ദേ​ഹം വീ​ട്ടു​വ​ള​പ്പി​ൽ സം​സ്ക​രി​ച്ചു.