കോഴിക്കോട്: നഗരത്തിൽ എം.ഡി.എം.എയുമായി യുവാവ് അറസ്റ്റിൽ. പാലക്കാട് പട്ടാമ്പി വളത്തൊടി നൻജാട്ടു നവാസ് (30) ആണ് പിടിയിലായത്. അരയിടത്തുപാലം ഗോകുലം മാളിനു സമീപം റോഡിൽ കാറിൽ വിൽപനക്കായി കൊണ്ടുവന്ന 7.07 ഗ്രാം എം.ഡി.എം.എയുമായി മെഡിക്കൽ കോളജ് പൊലീസും ആന്റി നാർകോട്ടിക് ഷാഡോ അസിസ്റ്റന്റ് കമീഷണർ ടി.പി. ജേക്കബിന്റെ നേതൃത്വത്തിലുള്ള ഷാഡോ ടീമും ചേർന്നാണ് പിടികൂടിയത്.
മാളുകൾ കേന്ദ്രീകരിച്ച് വിൽപന നടത്തുന്നതാണ് പ്രധാന രീതിയെന്നും പൊലീസ് പറഞ്ഞു. 6.320 ഗ്രാം കാറിന്റെ ഡാഷ് ബോർഡിൽനിന്നും 0.75 ഗ്രാം പ്രതിയുടെ ദേഹത്തുനിന്നുമാണ് പൊലീസ് കണ്ടെടുത്തത്. മെഡിക്കൽ കോളജ് എസ്.ഐ നിധിൻ ആർ. മനോജ് കുമാർ, എസ്.ഐ സാദിഖ് അലി, രതീഷ് ബാബു, മനോജ് എടയേടത്ത്, സരുൺ, ശ്രീശാന്ത്, ഷിനോജ്, തൗഫീഖ് എന്നിവരാണ് സംഘത്തിലുണ്ടായിരുന്നത്.
