കൊയിലാണ്ടി: ദേശീയപാതയിൽ പൂക്കാട് പെട്രോൾ പമ്പിനു സമീപം സിമൻറ് ടാങ്കർ ലോറിയിടിച്ച് സ്കൂട്ടർ യാത്രികൻ മരിച്ചു. ചേമഞ്ചേരി തുവ്വക്കോട് വടക്കെ മലയിൽ മഹേഷാണ് (33) തൽക്ഷണം മരിച്ചത്.
ഞായറാഴ്ച വൈകീട്ട് മൂന്നു മണിയോടെയാണ് സംഭവം. ചേമഞ്ചേരി പെട്രോൾ പമ്പിൽനിന്നു പുറത്തേക്കിറങ്ങുമ്പോൾ എതിർദിശയിൽനിന്നു വന്ന സിമൻറ് ടാങ്കർ ലോറി ഇടിക്കുകയായിരുന്നു. മൃതദേഹം താലൂക്ക് ആശുപത്രി മോർച്ചറിയിൽ. ബാലന്റെയും മാലതിയുടെയും മകനാണ്. ഭാര്യ: നന്ദന. മകൾ: ആരുദ്ര (ഒന്നര വയസ്സ്). സഹോദരി: ബബിത.
