കക്കോടി: ഫോൺ സന്ദേശത്തിലൂടെ അപവാദപ്രചാരണം നടത്തിയെന്നാരോപിച്ച് മാളിക്കടവ് സ്വദേശി കിഴക്കേ കോമത്ത് അശോകനെ (55) മക്കട ഒറ്റത്തെങ്ങ് കളത്തൊടി ആദം (53) കത്തികൊണ്ട് കുത്തിപ്പരിക്കേൽപിച്ചു. കഴിഞ്ഞ ദിവസം വൈകീട്ടായിരുന്നു സംഭവം. പരിക്കേറ്റ അശോകനെ സ്വകാര്യ ആശുപത്രിയിൽ പ്രവേശിപ്പിച്ച് ശസ്ത്രക്രിയക്ക് വിധേയനാക്കി. അപകടനില തരണം ചെയ്തതായി ഡോക്ടർമാർ അറിയിച്ചു.
ആദമിനെക്കുറിച്ച് മോശമായ രീതിയിൽ ബന്ധുക്കൾക്ക് മെസ്സേജ് അയച്ചതാണ് തർക്കത്തിന് കാരണമെന്ന് ചേവായൂർ പൊലീസ് പറഞ്ഞു. നല്ലളം സ്വദേശിയായ ആദമിന്റെ ഭാര്യവീടിനടുത്താണ് അശോകന്റെ മാളിക്കടവിലുള്ള വീട്. രണ്ടു വർഷത്തോളം ആദം ഇവിടെയായിരുന്നു താമസം. ചേവായൂർ എസ്.ഐ നിമിൻ കെ. ദിവാകർ പ്രതിയെ അറസ്റ്റ് ചെയ്തു.
