വടകര: കോൺഗ്രസ് നേതാവും സാമൂഹിക പ്രവർത്തകനുമായ പി. രാഘവൻ മാസ്റ്ററുടെ സ്മരണക്കായി ഏർപ്പെടുത്തിയ പുരസ്കാരം കൽപറ്റ നാരായണന്. 25000 രൂപയും പ്രശസ്തിപത്രവും ശിൽപവും അടങ്ങുന്നതാണ് അവാർഡ്. മാർച്ച് 31ന് രാഘവൻ മാസ്റ്ററുടെ അനുസ്മരണ ദിനത്തിൽ മുൻ കേന്ദ്രമന്ത്രി മുല്ലപ്പള്ളി രാമചന്ദ്രൻ അവാർഡ് സമർപ്പിക്കുമെന്ന് അനുസ്മരണ സമിതി ചെയർമാൻ അഡ്വ. ഐ. മൂസ അറിയിച്ചു. രാജേന്ദ്രൻ എടത്തുംകര, വി.ആർ. സുധീഷ്, കവി വീരാൻകുട്ടി എന്നിവരായിരുന്നു ജഡ്ജിങ് കമ്മിറ്റി അംഗങ്ങൾ.
