എസ്.പി.സി.എ ഇൻസ്പെക്ടർ തസ്തിക രണ്ടു വർഷമായി ഒഴിഞ്ഞുകിടക്കുന്നു

മു​ക്കം: സൊ​സൈ​റ്റി ഫോ​ർ ദ ​പ്രി​വ​ൻ​ഷ​ൻ ഓ​ഫ് ക്രു​വ​ൽ​റ്റി ടു ​അ​നി​മ​ൽ​സ് (എ​സ്.​പി.​സി.​എ) ത​സ്തി​ക ഒ​ഴി​ഞ്ഞ് കി​ട​ക്കു​ന്ന​തി​നാ​ൽ മൃ​ഗ​ങ്ങ​ൾ​ക്കെ​തി​രെ ന​ട​ക്കു​ന്ന അ​തി​ക്ര​മ​ങ്ങ​ൾ​ക്കും ക്രൂ​ര​ത​ക​ൾ​ക്കു​മെ​തി​രെ ന​ട​പ​ടി​യെ​ടു​ക്കാ​ൻ ജി​ല്ല​യി​ൽ സം​വി​ധാ​ന​മി​ല്ല. ന​ട​പ​ടി​യെ​ടു​ക്കേ​ണ്ട ഇ​ൻ​സ്പെ​ക്ട​ർ ത​സ്തി​ക ര​ണ്ടു​വ​ർ​ഷ​മാ​യി ജി​ല്ല​യി​ൽ ഒ​ഴി​ഞ്ഞു​കി​ട​ക്കു​ക​യാ​ണ്. മി​ക്ക അ​തി​ക്ര​മ​ങ്ങ​ളും വ​നം വ​കു​പ്പി​ന്റെ ഷെ​ഡ്യൂ​ളി​ൽ വ​രാ​ത്ത​തി​നാ​ൽ ന​ട​പ​ടി​യെ​ടു​ക്കാ​ൻ പ​രി​മി​തി​ക​ളു​ണ്ട്.

ഓ​മ​ന മൃ​ഗ​ങ്ങ​ൾ​ക്കെ​തി​രെ​യും വ​ന്യ​ജീ​വി​ക​ൾ​ക്കെ​തി​രെ​യും പ​ക്ഷി​ക​ൾ​ക്കെ​തി​രെ​യു​മൊ​ക്കെ മ​നു​ഷ്യ​ർ കാ​ണി​ക്കു​ന്ന ക്രൂ​ര​ത​ക​ൾ​ക്കെ​തി​രെ ന​ട​പ​ടി​യെ​ടു​ക്കേ​ണ്ട​ത് എ​സ്.​പി.​സി.​എ ആ​ണ്. ക​ഴി​ഞ്ഞ​ദി​വ​സം കൊ​ടി​യ​ത്തൂ​ർ പ​ഞ്ചാ​യ​ത്തി​ലെ കാ​ര​ക്കു​റ്റി​യി​ൽ നി​ര​വ​ധി ദേ​ശാ​ട​ന​പ​ക്ഷി​ക​ളെ മൂ​ന്ന് അ​തി​ഥി തൊ​ഴി​ലാ​ളി​ക​ൾ ക​ണ്ണി​ൽ ക​മ്പി കു​ത്തി​ക്ക​യ​റ്റി അ​തി​ക്രൂ​ര​മാ​യി വേ​ട്ട​യാ​ടി​യി​രു​ന്നു. പൊ​ലീ​സും വ​നം​വ​കു​പ്പും സം​ഭ​വ​സ്ഥ​ല​ത്തെ​ത്തി​യെ​ങ്കി​ലും വ​നം​വ​കു​പ്പി​ന്റെ ഷെ​ഡ്യൂ​ളി​ൽ ദേ​ശാ​ട​ന പ​ക്ഷി​ക​ൾ ഉ​ൾ​പ്പെ​ടാ​ത്ത​തി​നാ​ൽ പ്ര​തി​ക​ൾ​ക്കെ​തി​രെ കേ​സെ​ടു​ക്കാ​ൻ ക​ഴി​ഞ്ഞി​രു​ന്നി​ല്ല. 2001ലെ ​കേ​ന്ദ്ര​സ​ർ​ക്കാ​റി​ന്റെ ഉ​ത്ത​ര​വ് അ​നു​സ​രി​ച്ചാ​ണ് എ​ല്ലാ ജി​ല്ല​ക​ളി​ലും എ​സ്.​പി.​സി.​എ ക​മ്മി​റ്റി​ക​ൾ രൂ​പ​വ​ത്ക​രി​ച്ച​ത്.

ജി​ല്ല പ​ഞ്ചാ​യ​ത്താ​ണ് ക​മ്മി​റ്റി​ക​ൾ പു​നഃ​സം​ഘ​ടി​പ്പി​ക്കേ​ണ്ട​തും ജീ​വ​ന​ക്കാ​രെ നി​യ​മി​ക്കേ​ണ്ട​തും. ജി​ല്ല പ​ഞ്ചാ​യ​ത്ത് പ്ര​സി​ഡ​ന്റ് ക​മ്മി​റ്റി​യു​ടെ ചെ​യ​ർ​മാ​നും ചീ​ഫ് വെ​റ്റ​റി​ന​റി ഓ​ഫി​സ​ർ ക​ൺ​വീ​ന​റും ജി​ല്ല ക​ല​ക്ട​ർ കോ- ​ചെ​യ​ർ​മാ​നു​മാ​ണ്. ഒ​രു ഇ​ൻ​സ്പെ​ക്ട​റും ഒ​രു പ്യൂ​ണു​മാ​ണ് മു​ഴു​വ​ൻ സ​മ​യ ജീ​വ​ന​ക്കാ​രാ​യി ഉ​ണ്ടാ​കേ​ണ്ട​ത്. ഇ​ൻ​സ്പെ​ക്ട​ർ​ക്ക് ന​ട​പ​ടി​ക​ൾ സ്വീ​ക​രി​ക്കാ​നു​ള്ള എ​ല്ലാ അ​ധി​കാ​ര​വു​മു​ണ്ട്. 2005ൽ ​പ്യൂ​ൺ വി​ര​മി​ച്ച​തി​നു​ശേ​ഷം 19 വ​ർ​ഷ​മാ​യി​ട്ടും ഇ​തു​വ​രെ നി​യ​മ​നം ന​ട​ന്നി​ല്ല. 2022ൽ ​ഇ​ൻ​സ്പെ​ക്ട​ർ കെ. ​അ​ജി​ത് കു​മാ​റും വി​ര​മി​ച്ചു. 2007 മു​ത​ൽ ഇ​ദ്ദേ​ഹ​മാ​യി​രു​ന്നു ഇ​ൻ​സ്പെ​ക്ട​ർ. വി​മു​ക്ത​ഭ​ട​ന്മാ​രെ​യാ​ണ് ഇ​ൻ​സ്പെ​ക്ട​ർ ത​സ്തി​ക​യി​ലേ​ക്ക് പ​രി​ഗ​ണി​ക്കാ​റു​ള്ള​ത്. വി​ര​മി​ക്കു​ന്ന സ​മ​യ​ത്ത് ബ​ന്ധ​പ്പെ​ട്ട ആ​ളു​ക​ൾ​ക്കും വ​കു​പ്പി​നും പു​തി​യ നി​യ​മ​നം ന​ട​ത്ത​ണ​മെ​ന്ന് ആ​വ​ശ്യ​പ്പെ​ട്ട് നി​ര​വ​ധി ത​വ​ണ ക​ത്ത് ന​ൽ​കി​യി​ട്ടു​ണ്ടെ​ന്നും ഇ​തു​വ​രെ യാ​തൊ​രു ന​ട​പ​ടി​യും സ്വീ​ക​രി​ച്ചി​ല്ലെ​ന്നും അ​ജി​ത് കു​മാ​ർ പ​റ​ഞ്ഞു. മൃ​ഗ​ങ്ങ​ൾ​ക്കെ​തി​രാ​യ ക്രൂ​ര​ത​ക​ളി​ൽ കേ​സെ​ടു​ക്കാ​നും പി​ഴ ചു​മ​ത്താ​നും കോ​ട​തി​യി​ൽ റി​പ്പോ​ർ​ട്ട് ചെ​യ്യാ​നും ഇ​വ​ർ​ക്ക് അ​ധി​കാ​ര​മു​ണ്ടാ​യി​രു​ന്നു. നി​ര​വ​ധി സം​ഭ​വ​ങ്ങ​ളി​ൽ കേ​സെ​ടു​ത്തു വ​നം വ​കു​പ്പി​ന് കൈ​മാ​റു​ക​യും ചെ​യ്തി​ട്ടു​ണ്ട്.