പയ്യോളി : ദേശീയപാതയിൽ ഇരിങ്ങലിൽ മിനിലോറി മറിഞ്ഞു. പുതിയ ആറുവരിപ്പാതയിലൂടെ പോകുകയായിരുന്ന ലോറിയാണ് തെന്നി താഴ്ചയിലുള്ള സർവീസ് റോഡിലേക്ക് മറിഞ്ഞത്. ഏതാണ്ട് നാലുമീറ്ററോളം താഴ്ചയിലേക്കാണ് മറിഞ്ഞത്. ലോറി ഭാഗികമായി തകർന്നു. തിങ്കളാഴ്ച വൈകീട്ടാണ് സംഭവം. വടകരയിൽനിന്നു തൃശ്ശൂരിലേക്ക് പോവുകയായിരുന്ന മിനിലോറിയാണ് അപകടത്തിൽപ്പെട്ടത്. ഡ്രൈവർ ജസീൽ കാര്യമായ പരിക്കില്ലാതെ രക്ഷപ്പെട്ടു. മറ്റ് വാഹനങ്ങളൊന്നും സർവീസ് റോഡ് വഴി വരാതിരുന്നതിനാൽ കൂടുതൽ അപകടം ഒഴിവായി.
