നാദാപുരം : തലശ്ശേരിറോഡിൽ പെരിങ്ങത്തൂരിനടുത്ത് നിയന്ത്രണം നഷ്ടപ്പെട്ട കാർ വൈദ്യുതത്തൂണിലിടിച്ച് തലകീഴായി മറിഞ്ഞു. കായപ്പനച്ചി പഴയ പ്രവാസി തട്ടുകടയ്ക്ക് മുന്നിൽ കണ്ണിയത്ത് ട്രേഡേഴ്സ് ഷോപ്പിനുസമീപം വ്യാഴാഴ്ച വൈകുന്നേരമാണ് അപകടമുണ്ടായത്. വെള്ളൂർ സ്വദേശിയായ യുവാവ് പെരിങ്ങത്തൂർ ഭാഗത്തേക്ക് പോകുന്നതിനിടെ കാർ നിയന്ത്രണംവിട്ട് വൈദ്യുതത്തൂണിലിടിച്ച് കീഴ്‌മേൽ മറിയുകയായിരുന്നു.
വാഹനമോടിച്ച യുവാവ് പരിക്കില്ലാതെ രക്ഷപ്പെട്ടു. മറ്റാരും കാറിൽ ഉണ്ടായിരുന്നില്ല. തിരക്കേറിയ ഈ റോഡിൽ മറ്റു വാഹനങ്ങൾ അതേസമയം വരാതിരുന്നതിനാൽ വൻ അപകടമാണ് ഒഴിവായത്.
