കൊടുവള്ളി: കെ.എസ്.ആർ.ടി.സി ബസിൽ പെൺകുട്ടിക്കുനേരെ അതിക്രമം നടത്തിയയാളെ പൊലീസ് അറസ്‌റ്റ്‌ ചെയ്തു. കൊടുവള്ളി ചാവടിക്കുന്നുമ്മൽ അൻവറിനെയാണ് (46) കൊടുവള്ളി പൊലീസ് അറസ്‌റ്റ്‌ ചെയ്‌തത്‌.
ശനിയാഴ്‌ച രാത്രി 9.30ന് കുന്ദമംഗലത്തുനിന്ന് കെ.എസ്.ആർ.ടി.സി ബസിൽ കയറിയ 22 കാരിക്കുനേരെ സൗത്ത്‌ കൊടുവള്ളിയിൽവെച്ചാണ്‌ ഇയാൾ അതിക്രമം കാണിച്ചത്‌. യുവതി ഇയാളെ തടഞ്ഞുവെച്ച്‌ പൊലീസിനെ അറിയിക്കുകയായിരുന്നു. താമരശ്ശേരി കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു.
