പയ്യോളി: ഇരിങ്ങൽ റെയിൽവെ സ്റ്റേഷന് സമീപം യുവാവിനെ ട്രെയിൻ തട്ടി മരിച്ച നിലയിൽ കണ്ടെത്തി. ഇരിങ്ങൽ കിഴക്കയിൽപാറ കോളനി ഏറംവള്ളി പരേതനായ അശോകന്റെ മകൻ അഗേഷി(30)നെയാണ് മരിച്ച നിലയിൽ കണ്ടത്.
തിങ്കളാഴ്ച വൈകീട്ട് 3. 45ഓടെ മംഗലാപുരത്തേക്കുള്ള എഗ്‌മോർ എക്സ്പ്രസ് ട്രെയിൻ ഇടിച്ചാണ് മരണപ്പെട്ടത്. ആർ.പി.എഫും പയ്യോളി പൊലീസും സ്ഥലത്തെത്തി ഇൻക്വസ്റ്റ് പൂർത്തിയാക്കി. മൃതദേഹം പോസ്റ്റ്മോർട്ടത്തിനായി ആശുപത്രിയിലേക്ക് മാറ്റി. മാതാവ്: ഇന്ദിര. സഹോദരൻ: അശ്വന്ത്.
