കോഴിക്കോട് : മലബാർ ക്രിസ്ത്യൻകോളേജ് ഹൈസ്കൂൾ പൂർവവിദ്യാർഥി വെൽഫെയർ അസോസിയേഷന്റെ ആഭിമുഖ്യത്തിൽ നടന്ന ഗുരുവന്ദനം പരിപാടി കിഷൻചന്ദ് ഉദ്ഘാടനം ചെയ്തു.
40 അധ്യാപകരെ പൊന്നാടയണിയിച്ച് ആദരിച്ചു. 1954-നും 2000 ത്തിനും ഇടയിൽ പഠിച്ച വിദ്യാർഥികളും അധ്യാപകരുമാണ് ഞായറാഴ്ച ഒത്തുചേർന്നത്. ഓർഗനൈസേഷൻ പ്രസിഡന്റ് ഗിരീഷ് കല്പറ്റ അധ്യക്ഷനായി. കൗൺസിലർ അൽഫോൻസ മാത്യു, പ്രിൻസിപ്പൽ ഗോകുൽദാസ്, ഹെഡ്മാസ്റ്റർ മുരളി ഡെന്നീസ് ,എ.വി. രാജീവ്, പ്രോഗ്രാം കൺവീനർ അനിൽകുമാർ കോറോത്ത് എന്നിവർ സംസാരിച്ചു.
