തൊഴിൽ രംഗത്തെ പ്രതിസന്ധി; മത്സ്യത്തൊഴിലാളികൾക്ക് ദുരിതം

കൊ​യി​ലാ​ണ്ടി: ഓ​ണ​ക്കാ​ല​മാ​ണെ​ങ്കി​ലും മ​ത്സ്യ​മേ​ഖ​ല വ​റു​തി​യി​ലേ​ക്ക് നീ​ങ്ങു​ക​യാ​ണ്. മ​ത്സ്യ​ബ​ന്ധ​ന മേ​ഖ​ല​യി​ലെ നി​യ​ന്ത്ര​ണ​ങ്ങ​ളും ഇ​ട​നി​ല​ക്കാ​രു​ടെ ചൂ​ഷ​ണ​വു​മാ​ണ് മ​ത്സ്യ​ത്തൊ​ഴി​ലാ​ളി​ക​ളു​ടെ തൊ​ഴി​ലി​ന് ത​ട​സ്സം സൃ​ഷ്ടി​ക്കു​ന്ന​ത്. ചെ​റു​മ​ത്സ്യ​ങ്ങ​ൾ സു​ല​ഭ​മാ​ണെ​ങ്കി​ലും മ​ത്സ്യ​ബ​ന്ധ​ന​ത്തി​ന് ക​ട​ലി​ൽ പോ​കു​ന്ന​വ​രു​ടെ നി​ല പ​രി​താ​പ​ക​ര​മാ​ണ്.

ഒ​രു ബോ​ക്സ് കു​ഞ്ഞ​ൻ​മ​ത്തി ഹാ​ർ​ബ​റി​ൽ എ​ത്തി​ച്ചു​ക​ഴി​ഞ്ഞാ​ൽ 500 രൂ​പ​യാ​ണ് ഇ​വ​ർ​ക്കു ല​ഭി​ക്കു​ക. മം​ഗ​ളൂ​രു​വി​ലേ​ക്കാ​ണ് മ​ത്സ്യ ഏ​ജ​ന്റു​മാ​ർ ഇ​ത് കൊ​ണ്ടു​പോ​വു​ക. അ​വി​ടെ വ​ൻ​കി​ട ക​മ്പ​നി​ക​ൾ ഇ​വ വി​ല​കു​റ​ച്ച് വാ​ങ്ങി, മീ​നെ​ണ്ണ​ക്കും, സം​സ്ക​രി​ച്ച ശേ​ഷ​മു​ള്ള അ​വ​ശി​ഷ്ട​ങ്ങ​ൾ കോ​ഴി​ക്കും മ​ത്സ്യ​ത്തി​നു​മു​ള്ള തീ​റ്റ​ക്കു​മാ​ണ് ഉ​പ​യോ​ഗി​ക്കു​ന്ന​ത്. 2500 രൂ​പ​യാ​ണ് അ​വി​ടെ ഒ​രു ബോ​ക്സി​ന്, വി​ൽ​പ​ന ഏ​ജ​ൻ​സി​ക്കു ല​ഭി​ക്കു​ന്ന​ത്. മ​ത്സ്യ​ബ​ന്ധ​ന​ത്തി​ന് പോ​വു​ന്ന ഒ​രു വ​ലി​യ ബോ​ട്ടി​ൽ 50ഉം 60​ഉം തൊ​ഴി​ലാ​ളി​ക​ളാ​ണു​ണ്ടാ​വു​ക. നൂ​റു​ക​ണ​ക്കി​ന് ലി​റ്റ​ർ ഡീ​സ​ലോ മ​ണ്ണെ​ണ്ണ​യോ ഇ​തി​ന് ചെ​ല​വു വ​രും. മീ​ൻ കി​ട്ടി തി​രി​കെ വ​ന്നാ​ൽ വി​ല​ക്കു​റ​വ് കാ​ര​ണം പ​ല​പ്പോ​ഴും ഇ​ന്ധ​ന​ച്ചെ​ല​വ് മാ​ത്ര​മാ​ണ് ഇ​വ​ർ​ക്കു ല​ഭി​ക്കു​ക.

മ​ത്സ്യ​ബ​ന്ധ​ന​ത്തി​ന് ഉ​പ​യോ​ഗി​ക്കു​ന്ന വ​ല​ക്കും ഇ​പ്പോ​ൾ വ​ലി​യ തോ​തി​ൽ വി​ല വ​ർ​ധി​ച്ചി​ട്ടു​ണ്ട്. സ​ർ​ക്കാ​ർ വ​ക​യി​ൽ മ​ണ്ണ​ണ്ണ​യും ഡീ​സ​ലും മാ​സ​ത്തി​ലൊ​രി​ക്ക​ൽ ന​ൽ​കാ​റു​ണ്ടെ​ങ്കി​ലും ഇ​ത് ഒ​രു ദി​വ​സ​ത്തേ​ക്കു​പോ​ലും തി​ക​യാ​ത്ത അ​വ​സ്ഥ​യാ​ണ്. പി​ന്നീ​ട് ആ​വ​ശ്യം​വ​രു​ന്ന മ​ണ്ണെ​ണ്ണ ലി​റ്റ​റി​ന് നൂ​റു​രൂ​പ ന​ൽ​കി സ്വ​കാ​ര്യ ഏ​ജ​ൻ​സി​ക​ളി​ൽ​നി​ന്ന് വാ​ങ്ങു​ക​യാ​ണ് പ​തി​വ്.

വി​ദേ​ശ ബോ​ട്ടു​ക​ളു​ടെ​യും ക​പ്പ​ലു​ക​ളു​ടെ​യും മ​ത്സ്യ​ബ​ന്ധ​ന​വും മ​ത്സ്യ​ത്തൊ​ഴി​ലാ​ളി​ക​ളെ പ്ര​യാ​സ​ത്തി​ലാ​ക്കു​ന്നു. ഇ​വ​ർ ഡ​ബി​ൾ നെ​റ്റ് ആ​യി​രം പോ​യ​ന്റ് വ​ല​യി​ൽ മ​ത്സ്യ​ത്തെ കോ​രി​യെ​ടു​ക്കു​ക​യാ​ണ് ചെ​യ്യു​ന്ന​ത്. ഇ​തി​ന്റെ ഭാ​ഗ​മാ​യി ക​ട​ൽ കാ​ലി​യാ​യി​ത്തീ​രു​ക​യാ​ണെ​ന്നും ഇ​വ​രെ നി​യ​ന്ത്രി​ക്കാ​ൻ ശ​ക്ത​മാ​യ പ​ട്രോ​ളി​ങ് ഇ​ല്ലെ​ന്നും മ​ത്സ്യ​ത്തൊ​ഴി​ലാ​ളി​ക​ൾ പ​റ​യു​ന്നു. ചെ​റി​യ മ​ത്സ്യ​ങ്ങ​ൾ പി​ടി​ക്ക​രു​തെ​ന്ന നി​ർ​ദേ​ശം​കൂ​ടി വ​ന്ന​തോ​ടെ ദു​രി​തം ഏ​റി​യി​രി​ക്ക​യാ​ണ്.