മാവൂർ: മാവൂർ പനങ്ങോട്ട് പോത്തിന്റെ അക്രമണത്തിൽ വയോധികൻ മരിച്ചു. പനങ്ങോട് താമസിക്കുന്ന അരയങ്കോട് പള്ളിക്കണ്ടി അസൈനാണ് (72) മരിച്ചത്.
പനങ്ങോട്- മുണ്ടനട റോഡിൽ പൂക്കോട് താഴത്ത് തിങ്കളാഴ്ച വൈകീട്ട് നാലോടെയാണ് സംഭവം. ഇദ്ദേഹം വളർത്തുന്ന പോത്തിനെ വയലിൽ തീറ്റിച്ച ശേഷം അഴിച്ചു കൊണ്ടുവരുന്നതിനിടെ ആക്രമിക്കുകയായിരുന്നു.
ഇദ്ദേഹത്തിന്റെ നിലവിളി കേട്ട് ഓടിക്കൂടിയ പരിസരവാസികൾ ഏറെ പ്രയാസപ്പെട്ടാണ് ആക്രമണത്തിൽനിന്ന് മോചിപ്പിച്ചത്. ഗുരുതരമായി പരിക്കേറ്റ അസൈനെ കോഴിക്കോട് മെഡിക്കൽ കോളജ് ആശുപത്രിയിൽ എത്തിച്ചെങ്കിലും രക്ഷിക്കാനായില്ല.