തിരുവമ്പാടി : തുമ്പക്കോട് കൃഷ്ണഗിരി ശ്രീകൃഷ്ണക്ഷേത്രത്തിൽ ആറാട്ടുത്സവം ആരംഭിച്ചു. നിർമാല്യദർശനം, ഗണപതിഹോമം, ഉഷഃപൂജ എന്നിവ നടന്നു. വൈകീട്ട് നടന്ന കലവറനിറയ്ക്കൽ ഘോഷയാത്രയിൽ ഒട്ടേറെ ഭക്തർ അണിനിരന്നു.
രാത്രി നാടൻ കലാപരിപാടികൾ, കരോക്കെ ഗാനമേള എന്നിവ അരങ്ങേറി. ഏപ്രിൽ ഒന്നിന് വൈകുന്നേരം ഏഴിന് നടക്കുന്ന സാംസ്കാരികസമ്മേളനം കൊടുവള്ളി ബ്ലോക്ക് പഞ്ചായത്ത് പ്രസിഡന്റ് കെ.എം. അഷ്റഫ് ഉദ്ഘാടനംചെയ്യും.
ജില്ലാപഞ്ചായത്ത് സ്ഥിരംസമിതി അധ്യക്ഷ വി.പി. ജമീല മുഖ്യാതിഥിയാകും. എ.പി. മുരളീധരൻ പ്രഭാഷണംനടത്തും. എല്ലാദിവസവും അന്നദാനവും രാത്രി കലാപരിപാടികളും അരങ്ങേറും. കലവറനിറയ്ക്കൽ ഘോഷയാത്രയ്ക്ക് ക്ഷേത്രം കമ്മിറ്റി പ്രസിഡന്റ് തങ്കപ്പൻ കോമ്പാറ, സെക്രട്ടറി വേലായുധൻ തുമ്പക്കോട്, ട്രഷറർ പരമേശ്വരൻ കോമ്പാറ, സുജൻ വാവോലിക്കൽ, രമേശൻ ചാമപ്പാടത്ത്, ബാലു ചാമപ്പാടത്ത്, ജിഷ്ണു താന്നിക്കാട്, സുനീഷ് ചീനക്കണ്ടി എന്നിവർ നേതൃത്വംനൽകി.
